بعد مالله رزقني حرمةٍٍ تكـوي لـي اثيابـي
ابا أغني وابـا اهيجـن وداعـآ للعزوبيـه
وابا اطق الكبك واكشخ وأبلبس ثوب قلابـي
وابا آخذ لي مع الشيبان سجه كل عصريـه
وأبا آخذلي سنه ياصاحبي ماثارت اعصابي
انا ماني امصدق حظـي ايضـوي كويتيـه
وابا آخذلي حجازيه عليهـا وأعلـن كتابـي
تجي في بيتهـا سنعـه وبالميقـاف جنيـه
اليا من جاني الطرقي ماتقعد فوقـي اتبابـي
اتشجعني على الواجب اليامن شفت طرقيـه
اثرني خبل يوم اني قضيت العمـر عزابـي
وتكاليف الزواج امبسطه ميـه علـى ميـه
عزوبي لاسكن بين العوايـل كنـه ارهابـي
عيونه داخل الحاره كمـا عيـون الحراميـه
وانا بنصح شباب المجتمع وأبدا باالاقرابـي
واقول الكل عزابي تـزوج وأصلـح النيـه
وربٍٍ خالقك ماضيعك يفتـح لـك ابوابـي
وخزاين خالق الدنياء مـن الارزاق ممليـه
تيسر لك مصاريف الزواج بعـدة اسبابـي
أحد يفزع بمقدوره وأحـد يعطيـك عانيـه
وتحياتي لكل اللي حضر ولا حسب للاتعابي
تحيات الوفاء لااهل الوفـا بالطيـب مثنيـه
وابشكر جملة ارجال الوفاء واعتز بااصحابي
تحيات الوفاء لااهل الكويت مـع السعوديـه
ومن قصر بماجوبي مااوجه يمـه اعتابـي
ماهاتفنـي ابجولـه ولا جـا منـه برقيـه
صحيح ان الشهم نادر على درب الوفاء رابي
وله الاعـذار ملموسـه ومكتوبـه ومقريـه
وترا راع الوفا لوهو عدوي نال الاعجابـي
وله التقدير والحشمـه واعـده مقـدم الهيـه
موضوع: قصيده للشاعر فلاح بن عريج 
الخميس سبتمبر 25, 2008 2:43 pm
